سعودی پروجیکٹ کے تحت یمن میں اگست کے تیسرے ہفتے میں 867 بارودی سرنگیں صاف

یمن میں بارودی سرنگیں صاف کرنے کے سعودی منصوبے ’مسام‘  نے اگست 2023 کے تیسرے ہفتے میں یمن کے مختلف علاقوں میں حوثیوں کی نصب کردہ مزید 867 ڈیوائسز کو صاف کیا ہے۔

سرکاری خبر رساں ایجنسی ایس پی اے کے مطابق کنگ سلمان ہیومینٹیرین ایڈ اینڈ ریلیف سینٹر کے تحت مسام پراجیکٹ کی خصوصی ٹیموں نے 113 اینٹی ٹینک بارودی سرنگیں اور 738 بغیر دھماکے کی ڈیوائسز، 14 دھماکہ خیز ڈیوائسز اور دو اینٹی پرسنل سرنگوں کو ناکارہ بنایا ہے۔

یمن کے مارب، الضالع، لحج، الجوف، شبوہ، حدیدہ، صعدہ اور دیگر علاقوں میں بارودی سرنگیں صاف کی گئی ہیں۔

2018 میں مسام پروجیکٹ کے آغاز سے اب تک یمن سے صاف کی جانے والی باردوی سرنگوں کی تعداد چار لاکھ  گیارہ ہزار 568 ہوگئی ہے۔

حوثیوں کی جانب سے بچھائی گئی 1.2 ملین سے زیادہ بارودی سرنگیں بچھائی گئی ہیں جس کے باعث سیکڑوں معصوم شہریوں کے زخمی اور ہلاک ہونے کے واقعات رونما ہوئے ہیں۔

یمن بھر میں حوثیوں کی جانب سے نصب کردہ ڈیوائسز معصوم شہریوں، بچوں، خواتین ار بزرگوں کی زندگیوں کے لیے خطرہ ہیں۔

شاہ سلمان بن عبدالعزیز امدادی سینٹر کے تحت مسام پروجیکٹ کا مقصد یمن کے مختلف شہری اور دیہی علاقوں سے بارودی سرنگوں کی صفائی کرنا ہے تاکہ معصوم شہریوں کی جانوں کو ان سے محفوظ کیا جا سکے۔

جون 2022 میں مسام پروجیکٹ کے معاہدے کو 33.29 ملین ڈالر کی لاگت سے مزید ایک سال کے لیے بڑھایا گیا ہے۔

یہ پروجیکٹ مقامی انجینیئرز کی بھی تربیت اورانہیں جدید آلات فراہم کرتا ہے جبکہ باردودی سرنگوں کی زد میں آنے والے یمنی شہریوں کی بھی مدد کی جاتی ہے۔