وزٹ ویزے پر ایکسپائری کی تاریخ کیسے درست کرائیں؟

سعودی محکمہ پاسپورٹ اینڈ امیگریشن جو وزارت داخلہ کا ذیلی ادارہ ہے قوانین کے مطابق  مملکت میں مقیم غیر ملکیوں کے اقامے، خروج وعودہ اور خروج نہائی کے اجرا کا ذمہ دار ہے۔

مملکت میں رہائش پذیرغیرملکی افراد جب مستقل بنیاد پر اپنے ملک جاتے ہیں تو انہیں فائنل ایگزٹ جسے عربی میں خروج نہائی کہا جاتا ہے حاصل کرنا ضروری ہوتا ہے جبکہ چھٹی پر جانے کے لیے خروج و عودہ لینا ہوتا ہے۔

 جوازات کے ٹوئٹرپروزٹ ویزے کے بارے میں ایک شخص نے دریافت کیا ’موبائل ایپ پرابشراکاونٹ کے ذریعے وزٹ ویزے کی مدت کے بارے میں چیک کیا تو ایکسپائری کی تاریخ 2019 ظاہرہورہی تھی جبکہ لیب ٹاپ پرابشرپلیٹ فارم  پرویزے کی ایکسپائری تاریخ مئی 2023 درج ہے، درست تاریخ کیا ہوگی۔ ابشرایپ پرتاریخ کودرست کس طرح کرایا جائے؟‘۔ 

سوال کے جواب میں جوازات کا کہنا تھا کہ’ اس صورت میں جب فنی مسئلہ درپیش ہو اس کے حل کے لیے ابشر کے شعبہ ٹیکنیکل سروسز سے رجوع کیاجائے جس کا ٹول فری نمبر920020405 ہے‘۔ 

’اس نمبرپرکال کرکے اپنا مسئلہ بیان کریں اوران کے استفسارات کا جواب دینے پراسے حل کیا جائے گا‘۔  

واضح رہے بعض اوقات موبائل ایپ پرفنی خرابی ہ سے معلومات غلط ظاہرہوجاتی ہیں جنہیں حل کرنے کےلیے دفتری اوقات کے دوران ٹیکنیکل سروسز کے شعبے سے رجوع کیاجاتا ہے جہاں موجود اہلکار مسئلے کوحل کردیتے ہیں۔ 

وزٹ ویزے کواقامہ میں تبدیل کرنے کے حوالے سے ایک شخص نے دریافت کیا ’اہلیہ اوربیٹی کووزٹ ویزے پربلایا ہے،  یہاں ٹیچرکے طورپرملازمت کرتا ہوں۔ کیا ٹیچر کے پیشے پرموجود افراد کےلیے یہ سہولت ہے کہ وہ اپنی اہلیہ کے وزٹ ویزے کو کواقامہ میں تبدیل کرا سکتے ہیں؟۔ 

سوال کے جواب میں جوازات کا کہنا تھا ’وزٹ ویزے پرآنے والوں کوچاہئے کہ وہ مقررہ مدت کے ختم ہونے سے قبل واپس اپنے ملک روانہ ہوجائیں، وزٹ ویزے کواقامہ میں تبدیل کرنے کے لیے قانونی طورپر کوئی گنجائش نہیں‘۔ 

واضح رہے سعودی عرب کے امیگریشن قانون میں وزٹ ویزے کی مدت میں ماہانہ بنیاد پرتوسیع کرائی جاتی ہے۔

وزٹ ویزے کی انتہائی مدت ختم ہونے سےقبل وزٹرکےلیے لازمی ہے کہ وہ مقررہ مدت کے دوران اپنے ملک واپس چلے جائیں بصورت دیگرامیگریشن قوانین کی خلاف ورزی کے مرتکب قرار پاتے ہیں اوران کا مملکت میں قیام غیرقانونی شمار ہوتا ہے۔ 

ملٹی انٹری ویزہ ایک برس کےلیے ہوتا ہے جس میں یہ لازمی ہوتا ہے کہ 180 دن پورے ہونے سے قبل وزٹ ویزے پرآنے والے افراد مملکت سے ایگزٹ کریں۔ 

پہلی بار ایگزٹ کرنے کے بعد دوبارہ آنے کی صورت میں ان کا قیام مزید 180 دن کے لیے ہوگا تاہم اس کے لیے ہرماہ انہیں ویزے کی تجدید کرانا ہوتی ہے جس کی فیس 100 ریال ماہانہ ہوتی ہے۔ اس کےعلاوہ طبی انشورنس بھی حاصل کرنا ہوتی ہے۔ 

میڈیکل انشورنس کےلیے لازمی ہے کہ ایسی کمپنی کی پالیسی لی جائے جوسعودی مرکزی بینک اورانشورنس کونسل میں رجسٹرڈ ہوں اورنیٹ ورک کے ذریعے جوازات کے سسٹم سے بھی مربوط ہوں ۔ 

غیررجسٹرڈ کمپنی سے میڈیکل انشورنس پالیسی حاصل کرنے والوں کے وزٹ ویزے کی مدت میں توسیع نہیں کی جاتی جب تک وہ ایسی کمپنی سے پالیسی حاصل نہ کریں جو جوازات میں رجسٹرڈ ہو۔