پاکستان نے انڈیا میں جاری ورلڈکپ میں اپنے پہلے میچ میں نیدرلینڈز کو 81 رنز سے شکست دے دی ہے۔
جمعے کو حیدرآباد میں کھیلے گئے میچ میں پاکستان نے پہلے بیٹنگ کرتے ہوئے نیدرلینڈز کو 283 رنز کا ہدف دیا تھا۔ اس ہدف کے تعاقب میں ڈَچ کرکٹ ٹیم 41 اوورز میں صرف 205 رنز بنا سکی۔
پاکستان کی جانب سے محمد رضوان اور سعود شکیل نے 68، 68 رنز کی انگز کھیلیں اور سعود شکیل تیز رفتار بیٹنگ کرنے پر ’مین آف دا میچ‘ قرار پائے۔
مزید پڑھیں
نیدرلینڈز کی جانب سے وکرمجیت سنگھ اور باس ڈی لیڈ نے نصف سینچریاں سکور کیں جبکہ پاکستان کی جانب سے حارث رؤف نے سب سے زیادہ تین وکٹیں حاصل کیں۔
ورلڈکپ میں پاکستان کا پہلا میچ سوشل میڈیا پر بھی پورے دن موضوع گفتگو بنا رہا اور کرکٹ شائقین خصوصاً سعود شکیل کی برق رفتار بیٹنگ کی تعریفیں کرتے ہوئے نظر آئے۔
میچ کے بعد جب سعود شکیل سے پوچھا گیا کہ وہ فاسٹ اور سپن بالنگ میں سے کس کا سامنا کرنا پسند کرتے ہیں تو انہوں نے مذاقاً کہا ’جس پر مجھے باؤنڈریز ملیں میں اُسی کو ترجیح دیتا ہوں۔‘
Question: pace or spin, which do you prefer?
Saud Shakeel: Anything, which gives me boundaries, I prefer that
Classy answer, just like his batting #PAKvNED #CricketWorldCup #BabarAzam #NEDvPAK pic.twitter.com/3a2Gk2UHRn
— Vikrant Gupta (@vikrantguptaa73) October 6, 2023
پاکستانی ٹیم پر اکثر تنقید کرنے والے سابق انڈین کھلاڑی عرفان پٹھان نے سعود شکیل کے بارے میں لکھا کہ ’وہ مڈل آرڈر میں پاکستان کے لیے ایک اچھا آپشن ہیں۔‘
Yesterday Rachin took the advantage of practise match form, today Saud Shakeel doing the same. Good left hand option for Pakistan in the middle order. #PAKvNED
— Irfan Pathan (@IrfanPathan) October 6, 2023
اٹھائیس برس کے سعود شکیل کا تعلق صوبہ سندھ کے شہر کراچی سے ہے اور وہ ماضی میں پاکستان انڈر 19 اور پاکستان سُپر لیگ (پی ایس ایل) میں کوئٹہ گلیڈی ایٹرز کی نمائندگی بھی کر چکے ہیں۔
کچھ سوشل میڈیا صارفین محمد رضوان اور سعود شکیل کے علاوہ دیگر بیٹرز سے نالاں نظر آئے۔ نیلم اسلم نے میچ کے دوران لکھا کہ ’ٹیم میں سعود شکیل اور رضوان کے علاوہ سارے بالرز ہیں۔‘
ٹیم میں سعود شکیل اور رضوان کے علاوہ سارے بالرز ہیں۔
— Neelam Aslam (@NeelamAofficial) October 6, 2023
صارفین کی ایک بڑی تعداد ایسی بھی تھی جو انجری کے بعد واپس آنے والے حارث رؤف کی تعریف کرتی ہوئی نظر آئی۔
ہارون نے فاسٹ بولر کے وکٹ لینے کے انداز پر تبصرہ کرتے ہوئے لکھا کہ ’حارث رؤف کا جارحانہ رویہ اچھا ہے۔ انہیں کوہلی اور دیگر انڈین بیٹرز کے سامنے بھی ایسے ہی جارحانہ بولنگ کرنی چاہیے۔‘
Love that aggression by Haris Rauf. He needs to keep that same aggression when he bowls against Virat Kohli and co too…… #PAKvNED #PakistanCricket pic.twitter.com/2eu1GWEu67
— Haroon (@hazharoon) October 6, 2023
