سعودی نوجوان کو موٹر سائیکل چلانے کی خواہش مہنگی پڑ گئی

سعودی نوجوان کو فوڈ ڈلیوری کی موٹرسائیکل چلانے کی خواہش مہنگی پڑگئی۔ موٹرسائیکل قابو سے باہر ہوکر سامنے عمارت میں جاگھسی۔ 

العربیہ نیٹ کے مطابق سوشل میڈیا پروائرل وڈیو میں دیکھا جاسکتا ہے کہ ایک سعودی نوجوان انتہائی تیز رفتاری سے موٹرسائیکل چلاتا ہوا آرہا ہے۔ 

 موٹرسائیکل نوجوان کے قابو سے باہر ہوکر گاڑی سے ٹکراتی ہوئی سامنے عمارت کے دروازے میں جاگھسی۔

معلوم ہوا کہ علاقے میں فوڈ ڈلیوری بوائے سے سعودی نوجوان نے موٹرسائیکل چلانےکی خواہش ظاہر کی۔

سعودی نوجوان کا کہنا تھا کہ وہ دیکھنا چاہتا تھا کہ موٹرسائیکل کس طرح چلائی جاتی ہے تاہم اس نے پہلے کبھی موٹرسائیکل نہیں چلائی تھی۔