چنئی۔۔۔۔۔مس یونیورسل پیس اینڈ ہیومنٹی 2014روحی سنگھ کو دوران پرواز عجیب و غریب تجربے کا سامناہوا۔ ماڈل سے اداکار ہ بننے والی روحی چنئی سے ممبئی آرہی تھیں کہ مسافروں کو کھانا فراہم کرنے سے کچھ دیر پہلے ان کی نشست کے نیچے سے ایک چھپکلی نکلی اور طیارے کی کھڑکی پر چھلانگ لگا دی۔ کچھ ہی لمحے بعد وہ اوپر سامان رکھنے کی جگہ میں جاکر چھپ گئی۔روحی اپنی تامل فلم کی پروموشن کے سلسلے میں چنئی گئی تھیں۔جب ان سے اس بارے میںپوچھا گیا تو انہوں نے کہا کہ میں چھپکلیوں سے خوفزدہ نہیں ہوتی لیکن چھپکلی دیکھتے ہوئے اچھا بھی نہیں لگتا۔میں حیران تھی کہ طیارے میں کہاں سے آگئی ۔ فوری طیارے کے عملے کو آگاہ کیا لیکن وہ بھی مدد نہ کرسکے۔روحی نے چھپکلی کی ایک وڈیو بھی جاری کی ہے ۔ انہوں نے کہا کہ میں کھڑکی کے قریب ہی بیٹھی تھی اور میں نے یہ وڈیو اتار لی۔جب میں نے عملے سے بات کی تو انہوں نے ہنسی میں بات اڑاتے ہوئے کہا کہ ایسا تو ہوتا ہی رہتا ہے۔میں نے عملے کی درخواست پر نشست تبدیل کرلی۔
