ہیروئن سمگل کرنے پر غیر ملکی کو سزائے موت

سعودی وزارت داخلہ نے کہا ہے ہیروئن سمگل کر پرغیر ملکی پر سزائے موت کا عدالتی فیصلہ نافذ کردیا گیا ہے۔

سعودی پریس ایجنسی کے مطابق وزارت نے کہا ہے کہ ’افغانی شہری بادشاہ گل سلیمانی ہیروئن پیٹ میں چھپا کر سمگل کرنے کی کوشش کرتے ہوئے پکڑا گیا‘۔

’مذکورہ شخص کو تمام شواہد اور ثبوت کے ساتھ عدالت میں پیش کیا گیا جہاں الزام ثابت ہونے پر اور زمین میں فساد پھیلانے پر سر قلم کرنے کی سزاسنائی گئی‘۔

’فیصلے پر اپیل کورٹ نے تصدیق کی اور ایوان شاہی نے سزا نافذ کرنے کی منظوری دی ہے‘۔

وزارت نے کہا ہے کہ ’آج اتوار کومکہ مکرمہ ریجن میں عدالت کا فیصلہ نافذ کردیا گیا ہے‘۔