بیرون ملک حج کمپنیوں کی درخواستوں کی وصولی شروع

وزارت حج وعمرہ نے کہا ہے کہ بیرون ملک عازمین حج کو خدمات فراہم کرنے والی کمپنیوں سے اجازت نامہ حاصل کرنے کے لیے درخواستوں کی وصولی کا کام شروع ہوگیا ہے۔

سبق ویب سائٹ کے مطابق اجازت نامہ حاصل کرنے کی خواہشمند کمپنیوں کو چاہئے کہ وہ 5 دسمبر تک اپنی درخواستیں جمع کرائیں۔

وزارت حج و عمرہ کے تحت کام کرنے والی کم کمیٹی کے سربراہ عایض الغوینم نے کہا ہے کہ ’بیرون ملک سے آنے والے عازمین کو بہترین سہولتیں فراہم کرنے والے اداروں کو اجازت نامے جاری ہوں گے‘۔

’اس کے لیے ضوابط اور معیار مقرر کئے گئے ہیں جن پر پورا اتر نے والی کمپنیوں کو لائسنس جاری ہوگا‘۔