جاری رپورٹ کے مطابق جمعرات کو مکہ مکرمہ شہر، جدہ، جموم، بحرہ، رابغ خلیص، اللیث اور قنفذہ میں بارش کا قوی امکان ہے۔
قومی مرکز کا کہنا ہے کہ جمعے تک مملکت کے دیگر علاقے جن میں ریاض، رماح، حریملا، الدرعیہ، ضرما اور تبوک ریجن میں بھی بارش کا امکان ہے۔
دریں اثنا اس حوالے سے شہری دفاع نے لوگوں کو خبردار کیا ہے کہ وہ غیرضروری طورپرہائی ویز پرسفر نہ کریں۔
سفرکرنا ضروری ہوتو اس صورت میں گاڑی کا معائنہ کرلیں تاکہ راستے میں کسی قسم کی دشواری کا سامنا نہ کرنا پڑے۔
محکمہ ٹریفک کا کہنا ہے کہ ہائی ویے پرسفر سے قبل احتیاطی تدابیراختیار کی جائیں(فوٹو، ایس پی اے)
اس ضمن میں ٹریفک پولیس نے ہائی ویزے پرسفر کرنے والوں کے لیے خصوصی ہدایات جاری کی ہیں جن میں کہا گیا ہے کہ ہلکی بارش کے دوران سڑک پرپھسلن زیادہ ہوجاتی ہے اس صورت میں گاڑی کی رفتار کم رکھی جائے علاوہ ازیں ونڈ شیلڈ کے وائپرز خراب ہونے کی صورت میں انہیں تبدیل کرانا بھی ضروری ہوتا ہے کیونکہ بارش میں اگروائپرز کام نہ کریں تو ڈرائیونگ کافی دشوار ہوجاتی ہے۔
واٹس ایپ پر سعودی عرب کیخبروں کے لیے”اردو نیوز“گروپ جوائن کریں