فلاحی تنظیم نے امسال 50 ہزارافراد کو افطار کرانے کا ہدف مقرر کیا ہے (فوٹو: سبق نیوز)
دمام میں فلاحی تنظیم ’ نور‘ کی جانب سے ماہ رمضان المبارک افطار خیمے کے لیے تیاریاں مکمل کر لی گئی ہیں۔ تنظیم کی جانب سے گزشتہ 16 برسوں سے مستقل بنیادوں افطاری دسترخوان کا اہتمام کیا جاتا ہے۔
سبق نیوز کے مطابق ریجنل فلاحی تنظیم کی جانب سے امسال 50 ہزار افراد کے لیے افطار کا ہدف مقرر کیا گیا ہے۔ افطارخیمے میں نومسلموں کو بھی مدعو کیا جاتا ہے۔
اس حوالے سے انتظامیہ کا کہنا تھا کہ افطار خیمے میں آنے والوں کے لیے احکام رمضان اور دیگر موضوعات پر مختلف زبانوں میں خصوصی درس کا بھی اہتمام کیا جائے گا۔
فلاحی تنظیم کی جانب سے ماہ رمضان میں مفت عمرہ کا بھی انتظام کیا جاتا ہے جس کے تحت لوگوں کو دمام سے مکہ مکرمہ لانے اور واپس لے جانے کے لیے خصوصی ٹرانسپورٹ سروس فراہم کی جاتی ہے۔
افطاری سے قبل مختلف زبانوں میں درس کا بھی اہتمام کیا جاتا ہے(فوٹو، سبق)
تنظیم کے چیئرمین عبدالھادی الشمری کا کہنا تھا کہ امسال لگایا جانے والا 17 افطار خیمہ دمام کی شاہ فہد شاہراہ پر جامع مسجد الفرقان کے ساتھ ہوگا ۔
