انہوں نے مزیدکہا ’ترکی ایک ایسا ملک ہے جو حماس کے رہنماؤں کے ساتھ کھل کر بات کرتا ہے اور بھرپور طریقے سے ان کی حمایت کرتا ہے۔‘
غزہ میں 7 اکتوبر سے اسرائیل کی جنگ کے آغاز سے ہی ترک صدر اردغان اسرائیل کے شدید ناقدین میں سے ایک رہے ہیں۔
اے ایف پی کے مطابق اسرائیل کے سرکاری اعداد و شمار میں بتایا گیا ہے کہ حماس کے 7 اکتوبر کے حملے میں کم از کم 1160 افراد ہلاک ہوئے تھے۔
اسرائیل نے 7 اکتوبر کے بعد سے غزہ میں زمینی اور فضائی حملے جاری رکھے جس میں حماس کے زیر انتظام غزہ میں وزارت صحت کے مطابق فلسطینی علاقے میں کم از کم 30878 افراد ہلاک ہوئے ہیں، جن میں زیادہ تر خواتین اور بچے شامل ہیں۔
غزہ جنگ کے آغاز سے ہی ترک صدر اسرائیل کے شدید ناقد ہیں۔ فائل فوٹو اے ایف پی
اردغان نے اسرائیل کو ’دہشت گرد ریاست‘ قرار دیا ہے اور اس پر غزہ میں ’نسل کشی‘ کرنے کا الزام لگایا ہے۔
