زلزلے کا مرکز بحرالکاحل سے متصل تائیوان کا مشرقی علاقہ حوالیئن بتایا گیا ہے۔ زلزلے کی شدت 7.2 جبکہ گہرائی 15.5 کلو میٹر ریکارڈ کی گئی ہے۔
سیاحتی علاقے حوالیئن میں کم از کم 25 عمارتیں تباہ ہو گئی ہیں جبکہ چار افراد ہلاک اور 50 سے زائد زخمی ہوئے ہیں۔
بیس سے زائد افراد پھنسے ہوئے ہیں جنہیں نکالنے کے لیے ریسکیو آپریشن جاری ہے۔
زلزلے کے باعث دارالحکومت تائیپے میں بجلی کا نظام متاثر ہوا ہے جبکہ سونامی کی لہریں بھی جنوبی جزیرہ اوکیناوا تک پہنچی ہیں۔
فلپائن کی زلزلہ پیما ایجنسی نے بھی ساحلی علاقوں کے لیے سونامی کی وارننگ جاری کر دی ہے اور وہاں کے رہائشیوں کو کسی بلند مقام پر منتقل ہونے کا کہا ہے۔
تائیوان نے بھی سونامی کی وارننگ جاری کی تھی تاہم کسی قسم کا نقصان نہیں رپورٹ ہوا۔ بعد ازاں ہوائی میں پیسیفک سونامی وارننگ سینٹر نے کہا کہ سونامی کی نقصان دہ لہروں کا خطرہ زیادہ حد تک ٹل گیا ہے۔
زلزلے کے بعد دارالحکومت تائیپے میں ٹرانسپورٹ سسٹم معمول کے مطابق کام کر رہا ہے۔ فوٹو: اے پی
زلزلے کے تقریباً تین گھنٹے بعد بھی تائیپے میں وقفے وقفے سے جھٹکے محسوس کیا جا رہے ہیں۔ تائیوان کے محکمہ موسمیات کے مطابق اس دوران 25 زلزلے کے جھٹکے آ چکے ہیں۔
دوسری جانب چین کے سرکاری میڈیا نے کہا ہے کہ فوجیان صوبہ میں زلزلہ محسوس کیا گیا جبکہ روئٹرز کو ایک عینی شاہد نے بتایا کہ شنگھائی شہر میں بھی شدت محسوس کی گئی ہے۔
تائیوان کے دارالحکومت تائیپے کی انتظامیہ کا کہنا ہے کہ شہر میں کسی بڑے نقصان کے حوالے سے رپورٹس نہیں موصول ہوئیں اور مرکزی ٹرانسپورٹ سسٹم معمول کے مطابق کام کر رہا ہے۔
شدید زلزلے کے بعد سے ملک بھر کے 87 ہزار گھر وں میں بجلی منقطع ہے تاہم تائی پاور کے مطابق ملک کے دو جوہری پاور سٹیشن زلزلے سے متاثر نہیں ہوئے۔
نیپال میں زلزلہ متاثرین کے لیے امدادی سرگرمیاں جاریNode ID: 809721
چین کے شمال مغربی صوبے گانسو میں زلزلہ، 110 سے زائد افراد ہلاکNode ID: 820851
