فریضہ حج کی ادائیگی کے بعد ہر سال مختلف ممالک کے حجاج جدہ تاریخیہ اور یہاں کے مختلف تفریحی مقامات کی سیر اور خریداری کا سلسلہ شروع کر دیتے ہیں۔
سرکاری خبر رساں ادارے ایس پی اے کے مطابق حجاج کا جدہ کے تاریخی بازار میں خریداری کرنا سیکڑوں سال پرانا رواج ہے جبکہ جدہ کے مشہور و قدیم البلد بازار میں ان دنوں حجاج کی آمد سے رونق بڑھ جاتی ہے۔
جدہ کے بازاروں خصوصا البلد سے خاندان اور دوست احباب کے لیے خریداری کا ایک الگ مزہ ہے۔ حجاج جدہ تاریخیہ اور دیگر تاریخی مقامات کے علاوہ جدہ کورنیش، واٹر فرنٹ کی بھی سیر کر رہے ہیں۔ اپنی یادگار تصاویر اور ویڈیوز بنا کر دوست احباب کو بھیج بھی رہے ہیں۔
