بحیرہ احمر پر امالا منصوبے کا خواب پورا ہونے کو ہے۔ یہ منصوبہ سعودی عرب کے شمال مغربی ساحل پر قائم کیا جارہا ہے۔ ریڈ سی انٹرنیشنل کمپنی پروجیکٹ پر کام کررہی ہے۔ اسے بحیرہ احمر کے قلب میں نئے ریویرا کی حیثیت حاصل ہوگی۔
اخبار 24 کے مطابق امالا جو جدہ سے 700 کلو میٹر کے فاصلے پر ہے اسے دنیا کی 80 فیصد آبادی سے 8 گھنٹے کی پرواز کے فاصلے پر ہونے کا فائدہ ہے۔ یہ سیاحتی مقام سال بھر کھلا رہے گا۔
یہ مکمل طور پر سیاحتی مقام ہے جو ریڈ سی انٹرنیشنل کمپنی عالمی معیار کے مطابق تیار کررہی ہے۔ اس کا رقبہ 4155 مربع کلو میٹر اور اس میں 68 کلو میٹر سمندر کا نظارہ ہے۔
