ریاض: دکان میں لگنے والی آگ پر قابو پالیا گیا

ریاض کے الیرموک محلے میں واقع دکان میں لگنے والی آگ پر قابو پالیا گیا ہے۔

سبق ویب سائٹ کے مطابق  محکمہ شہری دفاع نے کہا ہے کہ ’آتشزدگی کے باعث کوئی جانی نقصان نہیں ہوا‘۔

محکمے نے کہا ہے کہ ’اطلاع ملتے ہی شہری دفاع کی متعدد ٹیمیں موقع پر پہنچ گئیں اور خطرے کا دائرہ محدود کردیا‘۔

’آگ پر قابو پانے کے بعد آتشزدگی کے أسباب کی تفتیش کی گئی تو معلوم ہوا کہ آگ شارٹ سرکٹ کی وجہ سے لگی ہے‘۔

محکمے نے کہا ہے کہ ’تجارتی مراکز میں فائر فائٹنگ سسٹم ، دھویں کے آلات اور آگ بجھانے کے سلینڈر کی موجودگی ضروری ہے‘۔