القنفذہ میں طوفانی بارش کے باعث بجلی کا تعطل

القنفذہ میں پیر اور منگل کی درمیانی شب طوفانی بارش کے باعث بجلی کے متعدد ٹاور گر گئے جس کے باعث بجلی کا تعطل ہوگیا ہے۔

سبق ویب سائٹ کے مطابق سبت الجارہ، خمیس حرب، الخرم اور المظیلف کے علاوہ قرب وجوار کے علاقوں میں بجلی کا تعطل ہے۔

رہائشیوں کا کہنا ہے کہ ’بجلی کے تعطل کے ساتھ انٹرنیٹ اور پانی کی دستیابی میں بھی توقف آگیا ہے‘۔

دوسری طرف بجلی کمپنی نے کہا ہے کہ ’طوفانی بارش، تیز ہوا اور گرج چمک کے باعث سبت الجارہ میں متعدد ٹاور گر گئے ہیں جنہیں ٹھیک کرنے کی کوشش کی جارہی ہے‘۔

کمپنی نے اطمینان دلایا ہے کہ فنی ٹیم بجلی کی بحالی کے لیے کام کر رہی ہے۔