مدینہ منورہ میں خاتون کو چھیڑنے پر غیر ملکی گرفتار

مدینہ منورہ پولیس نے کہا ہے کہ ایک خاتون کو چھیڑنے پر غیر ملکی  کو گرفتار کیا گیا ہے۔

سبق ویب سائٹ کے مطابق پولیس نے کہا ہے کہ ’گرفتار شدہ شخص یمنی تارک وطن ہے‘۔

دوسری طرف جدہ پولیس نے کہا ہے کہ ’ایک یمنی تارک وطن کو گرفتار کیا گیا ہے جس کے قبضے سے 1.4 کلو چرس ضبط ہوئی ہے‘۔

’مذکورہ شخص شہر میں منشیات کا سپلائر تھا اور اس کی خفیہ نگرانی کی جارہی تھی‘۔

’اسے رنگے ہاتھوں گرفتار کرنے کے لیے خصوصی ٹیم بنائی گئی جو منشیات کے عادی بن کر اس کے پاس آئے تھے‘۔

ادھر ریاض پولیس نے کہا ہے کہ ’7 سعودی شہریوں کو گرفتار کیا گیا ہے جو خود کو سرکاری افسر ظاہر کرکے لوگوں کو لوٹتے تھے‘۔

’مذکورہ افراد کے بارے میں متعدد اطلاعات ملی ہیں جنہیں گرفتار کرنے کے لیے خصوصی ٹیم تشکیل دی گئی‘۔