سعودی گیمز کا مشعل جازان پہنچ گیا، عوامی استقبال

جازان ریجن کےنائب گورنر شہزادہ محمد بن عبد العزیز بن محمد بن عبد العزیز نے سعودی گیمز کا مشعل وصول کیا ہے۔

سبق ویب سائٹ کے مطابق سعودی گیمز کی وصولی اور استقبالیہ تقریب کنگ فیصل سپورٹس سٹی میں ہوئی ہے۔

نائب گورنر شہزادہ محمد بن عبد العزیز بن محمد بن عبد العزیز نے مشعل کی جازان پہنچنے پر خوشی اور مسرت کا اظہار کیا ہے۔

انہوں نے ملک کے سب سے بڑے سپورٹس ایونٹ کے انعقاد کی سرپرستی پر خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان کا شکریہ ادا کیا ہے۔

سعودی گیمز کی انتظامیہ مشعل اٹھانے کا اعزاز ریجن کے سابق کھلاڑیوں کے علاوہ علاقہ کے معزز افراد کی پذیرائی کے طور پر کرتی ہے۔

بعد ازاں سعودی گیمز کا مشعل مختلف پبلک مقامات اور تاریخی علاقوں میں لے جایا گیا جہاں اس کا عوامی استقبال کیا گیا۔