جمعہ 4 اکتوبر کو روپے کے مقابلے میں امریکی ڈالر، سعودی ریال سمیت اہم کرنسیوں کی قیمت

پاکستان کی انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں کمی ریکارڈ کی گئی ہے۔

سٹیٹ بینک آف پاکستان کے مطابق جمعے کو انٹربینک مارکیٹ میں پاکستانی روپے کے مقابلے میں امریکی ڈالر کی قیمت میں 23 پیسے کی کمی ریکارڈ کی گئی ہے جس کے بعد اس کی نئی قیمت 277 روپے 51 پیسے ہو گئی ہے جبکہ جمعرات کو اس کی قیمت 277 روپے 74 پیسے تھی۔

انٹربینک مارکیٹ میں آج سعودی ریال کی قدر 73 روپے 99 پیسے، اماراتی درہم 75 روپے 61 پیسے اور بحرینی دینار کی قیمت 736 روپے 66 پیسے رہی۔

اسی طرح عمانی ریال کی انٹربینک مارکیٹ میں قدر 721 روپے 39 پیسے، کویتی دینار کی 907 روپے 89 پیسے اور قطری ریال کی قیمت 76 روپے 19 پیسے ریکارڈ کی گئی۔

دوسری جانب فاریکس ایسوسی ایشن کے مطابق اوپن مارکیٹ میں جمعے کو امریکی ڈالر کی قیمت خرید 278 روپے، 5 پیسے اور قیمت فروخت 280 روپے ریکارڈ کی گئی۔

سعودی ریال کی قیمت خرید 73 روپے، 85 پیسے اور قیمت فروخت 74 روپے، 4 پیسے رہی جبکہ اماراتی درہم کی قیمت خرید 75 روپے، 55 پیسے اور قیمت فروخت 76 روپے، 2 پیسے رہی۔