ریاض سیزن: السویدی پارک میں یمنی ویک کا آغاز

السویدی پارک میں ریاض سیزن کے تحت پاکستانی ویک کی سرگرمیوں کے کامیابی سے اختتام کے بعد یمنی ورثے و ثقافت کے ویک کا آغاز ہو گیا ہے۔

عاجل نیوز کے مطابق السویدی پارک میں یمنی ویک بدھ تک جاری رہے گا۔ جس کے لیے بکنگ وی بک کے ذریعے آن لائن کرائی جا سکتی ہے۔

یمنی ویک کے تحت یمنی ورثے سے آگاہ کیا جائے گا اور اس سلسلے میں  فنکاروں کا ایک گروپ شریک ہوگا جس میں کارنیوال، لوک داستان اور فنکارانہ پرفارمنس شامل ہیں۔

اس کے علاوہ مختلف گروپوں اور فنکاروں کو شام کے پروگراموں میں شریک کیا جائے گا علاوہ ازیں یمنی پکوان جو عرب عوام میں بے حد مقبول ہیں پیش کیے جائیں گے۔

السویدی پارک میں اس سے قبل انڈین ویک، فلپائن اور پاکستانی ویک بھی پیش کیا گیا تھا جس میں مختلف قومیتوں کے سیاحوں کی موجودگی نے یہاں پیش کیے جانے والے پروگراموں کو کامیاب بنایا تھا۔

پاکستانی پروگراموں میں فنکاروں کی موسیقی پر پرفارمنس قابل دید تھی اور روایتی پاکستانی کپڑوں اور کھانوں کو بھی یہاں آنے والوں نے بے حد پسند کیا تھا۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں