ریاض سیزن میں ’پاکستانی ویک‘ کا آغاز، کون سے کرکٹر اور گلوکار شرکت کریں گے

ریاض سیزن کے تحت السویدی پارک میں ’پاکستانی ویک‘ کا آغاز بدھ 30 اکتوبر 2024 سے ہوگیا۔ مختلف پروگرام 2 نومبر تک جاری رہیں گے۔

سبق ویب  کے مطابق وزارت اطلاعات کی جانب سے جنرل انٹرٹینمنٹ اتھارٹی کے اشتراک سے ’انڈین ویک‘، ’فلپائنی ویک‘ اور انڈونیشیی ویک‘ کا انعقا کا جا چکا ہے۔

مرکزی سٹیج پر پاکستانی بینڈز کا استقبال کیا جائے گا جو پاکستان کے مختلف علاقوں کی ثقافتی نمائندگی کرتے ہوئے پینٹنگز اور دیگر ثقافتی پروگرام پیش کریں گے جبکہ معروف فنکار میوزک پروگرام پیش کریں گے۔

اسی طرح دستکاری کا بھی ایک کارنر ہوگا جہاں  روایتی لکڑی، تانبے اور دیگر اشیا پر نقش و نگار کا مظاہرہ کیا جائے گا اس کے علاوہ فوڈ کورٹ میں پاکستانی کھانے بریانی، پکوڑے اور روایتی مٹھائیاں دستیاب ہوں گی۔

 پاکستانی ویک کے  پروگراموں میں معروف کرکٹرز سرفراز احمد، شاداب خان، شعیب ملک اور دیگر شریک ہوں گے، مشہورسنگرعاصم اظہر،علی ظفر اور دیگر اپنے فن کا مظاہرہ کریں گے۔ 

 سعودی شہری اور مملکت میں مقیم پاکستانیوں اور دیگر ممالک کے شہری بھی شریک ہوں گے۔ پاکستانی ویک میں شرکت کے لیے ٹکٹ ’وی بک‘ سے حاصل کیے جاسکتے ہیں۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں