جنوبی افریقہ کے خلاف دوسرا ٹی20، پاکستان کی پلیئنگ الیون میں ایک تبدیلی

جنوبی افریقہ کے خلاف تین ٹی20 میچز کی سیریز کے دوسرے میچ کے لیے پاکستان کرکٹ ٹیم نے اپنے سکواڈ کا اعلان کر دیا ہے۔

پی سی بی کے مطابق پاکستان کے پلیئنگ الیون میں ایک تبدیلی کی گئی ہے  جس کے تحت سپنر سفیان مقیم کی جگہ فاسٹ بولر جہانداد خان کو ٹیم میں شامل کیا گیا ہے. 

پاکستان کے پلئنگ الیون میں کپتان اور وکٹ کیپر محمد رضوان، بابر اعظم، صائم ایوب، عثمان خان، طیب طاہر، محمد عرفان خان، محمد عباس آفریدی، شاہین شاہ آفریدی، جہانداد خان، حارث رؤف اور ابرار احمد شامل ہیں۔ 

جنوبی افریقہ کے خلاف پاکستان کا دوسرا ٹی20 میچ سُپر سپورٹ پارک میں پاکستانی وقت کے مطابق رات نو بجے شروع ہوگا۔ 

تین میچز کی سیریز میں جنوبی افریقہ کو پاکستان پر 1-0 کی برتری حاصل ہے۔