سعودی قیادت کی طرف سے چین میں ہلاکتوں پر افسوس

خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان نے چین میں ہونے والے زلزلے سے ہلاکتوں پر افسوس کا اظہار کیا ہے۔

سعودی پریس ایجنسی کے مطابق سعودی قیادت نے چین کےصدر شی جن پنگ کو تعزیتی پیغام روانہ کئے ہیں۔

سعودی قیادت نے  صدر شی جن پنگ کے نام روانہ کئے جانے والے مکتوب میں کہا ہے کہ ’ہمیں زلزلےمیں ہونے والی ہلاکتوں کا علم ہوا ہے اور ہم اس غم میں برابر کے شریک ہیں‘۔

سعودی قیادت نے کہا ہے کہ ’زلزلے سے ہلاک ہونے والوں کے لواحقین سے ہمدردی کا اظہار کرتے ہیں‘۔

’زلزلے کے باعث جو لوگ زخمی ہوئے ہیں ہم کی جلد شفایابی کی امید رکھتے ہیں‘۔