لاس اینجلس: لاٹری کی رقم سے خریدا گیا عالی شان بنگلہ بھی خوفناک آگ کی نذر ہوگیا
لاس اینجلس میں لگنے والی اس آگ میں اب تک کم از کم 11 افراد ہلاک ہو چکے ہیں (فوٹو: اے ایف پی)
نیو یارک پوسٹ کے مطابق یہ گھر کیلی فورنیا سے تعلق رکھنے والے ایک شخص نے دنیا کی سب سے بڑی لاٹری جیتنے کے بعد خریدا تھا۔ مزید پڑھیں
ایڈوِن کاسترو جنہوں نے دو ارب چار کروڑ ڈالر کا جیک پوٹ جیتا تھا، نے بعدازاں اس رقم میں سے دو کروڑ 55 لاکھ ڈالر کا یہ مینشن خریدا جو اس خوفناک آگ میں جل گیا۔
ان کا یہ گھر بدقسمتی سے علاقے میں موجود دیگر گھروں کی طرح لاس اینجلس میں لگنے والی شدید آگ کی نذر ہوگیا۔
آگ کی وجہ سے پورا علاقہ جلنے کے بعد ایڈوِن کاسترو کے بنگلے کے صرف ستون اور لکڑی کا کچھ سامان باقی رہ گیا ہے جس کی مالیت 38 لاکھ ڈالر ہے۔
آگ لگنے کے بعد ایڈوِن کاسترو کا بنگلہ تباہی کا منظر پیش کر رہا ہے۔
اس بنگلے میں پانچ بیڈرُومز اور چھ باتھ روم تھے۔
ایڈوِن کاسترو کو کیلی فورنیا لاٹری آفیشلز کی جانب سے پاوربال جیک پوٹ کا ریکارڈ فاتح قرار دیا گیا تھا۔
اُن کے گھر کے ساتھ سنگر ایریانا گرانڈے، اداکار ڈکوٹا جانسن اور کامیڈین جمی کمل کے گھر موجود ہیں۔
خیال رہے کہ لاس اینجلس میں لگنے والی اس آگ میں اب تک کم سے کم 11 افراد ہلاک ہو چکے ہیں۔
