اس موقع پر وزیر حج وعمرہ ڈاکٹر توفیق الربیعہ، اسلامی ملکوں کے وزرا، سفرا سمیت 87 ملکوں کے نمائندے موجود تھے۔
حج کانفرنس و نمائش جو 16 جنوری تک جاری رہے گی مختلف شعبوں سے تعلق رکھنے والے 280 سے زائد ادارے شرکت کر رہے ہیں
جبکہ 120 سے زیادہ سپیکرز اپنے خیالات کا اظہار کریں گے۔ 45 کے قریب مذاکراتی سیشنز،50 ورکشاپس ہوں گی۔
چار روزہ کانفرنس کا موضوع نسک کا راستہ ’دی روڈ ٹو دی نسک‘ ہے جس میں 300 سے زیادہ مقامی اور بین الاقوامی تنظیمیں حج اورعمرہ کی خدمات کے حوالے سے انوویشنز اور ٹیکنالوجیز کی نمائش کرتی ہیں۔
اس مقصد درپیش چیلنجز سے بہتر طورپر نمٹنا اور ان کا پائیدار حل پیش کرناہے۔ مصنوعی ذہانت اور ڈیجیٹل ٹیکنالوجی کے استعمال کے بارے میں بھی اہم معلومات مہیا کی جائیں گی جس کا مقصد حج خدمات کے شعبے کو بہتر سے بہتر بنانا ہے۔
کانفرنس میں 45 کے قریب مذاکراتی سیشنز،50 ورکشاپس ہوں گی (فوٹو: ایس پی اے)
کانفرنس کے علاوہ حج خدمات کےحوالے سے ایک نمائش کا بھی اہتمام کیا گیا ہے جو 50 ہزار مربع میٹر رقبے پر محیط ہے جس میں جدید ترین ٹیکنالوجیز اور بہتر حج تجربے سے مستفیض ہونے کے لیے فراہم کی جانے والی سروسز پرروشنی ڈالی جائے گی جو مملکت کے وژن 2030 کے اہداف میں شامل ہے۔
واضح رہے کانفرنس کا گزشتہ ایڈیشن کافی کامیاب تھا جس میں 202 تعاون کے معاہدوں پر دستخط کیے گئے جبکہ ایک سو ممالک کے مندوبین اورشرکت کرنے والے زائرین کی تعداد ایک لاکھ سے زائد رہی ، 1430 مقامی اور انٹرنیشنل میڈیا کوریج کی گئی۔
