اٹلس نامی دم دار ستارے کا مشاہدہ آج سے ممکن

سعودی ماہر فلکیات محمد شوکت عودہ نے کہا ہے کہ آج بدھ سے 21 جنوری تک آسمان میں اٹلس نامی دم دار ستارے کامشاہدہ کیا جاسکتا ہے۔

سبق ویب سائٹ کے مطابق انہوں نے کہا ہے کہ ’اٹلس دم دار ستارہ خطے کے بیشتر ممالک میں دیکھا جاسکتا ہے‘۔

انہوں نے کہا ہے کہ ’اس سے قبل دم دار ستارے کو طاقتور دور بین سے دیکھا جاتا تھا تاہم پیر 13 جنوری سے اس کی چمک میں اضافہ ہوگیا ہے اور یہ زمین کے مدار کے قریب آگیا ہے‘۔

انہوں نے کہا ہے کہ ’اٹلس دم دار ستارے کو دیکھنے کا بہترین وقت سورج غروب ہونے کے 30 منٹ بعد ہے  اور یہ مغربی افق پر نمودار ہوتا ہے‘۔

انہوں نے کہا ہے کہ ’شہر کی روشنیوں سے دور اور کسی اونچی جگہ پر دم دار ستارے کا بہترین مشاہدہ ہوگا‘۔