سام سنگ گیلیکسی ایس 25 سِلم دیگر ایس 25 ماڈلز سے کتنا مختلف ہے؟

سام سنگ گیلیکسی ایس 25 سلم کے سمارٹ فونز کی دیگر سام سنگ گیلیکسی ایس 25 سیریز میں شامل ہونے کی توقع ہے، جس کی رونمائی ممکنہ طور پر 22 جنوری کو کمپنی کے ’گیلیکسی ان پیکڈ 2025‘ ایونٹ میں کی جائے گی۔

گیجٹ 360 ویب سائٹ کے مطابق کچھ رپورٹس میں دعویٰ کیا گیا ہے کہ ’سلم‘ ویریئنٹ اسی دن آ سکتا ہے، جبکہ دیگر کا خیال ہے کہ اسے مئی میں متعارف کرایا جا سکتا ہے۔

ایک ذریعے نے اب گیلیکسی ایس 25 سیریز کا ایک رینڈر لیک کیا ہے جس میں معیاری، پلس اور الٹرا ویریئنٹس کے مقابلے میں سلم ماڈل کی متوقع موٹائی دکھائی دیتی ہے۔

سٹیو مک فلائی نے ایکس پر ایک تصویر شیئر کی ہے جس میں گیلیکسی ایس 25، گیلیکسی ایس 25 پلس اور گیلیکسی ایس 25 الٹرا آپشنز کے مقابلے میں سام سنگ گیلیکسی ایس 25 سلم کا پروفائل دکھایا گیا ہے۔

تصویر سے پتہ چلتا ہے کہ سلم ورژن ممکنہ طور پر لائن اپ کا سب سے پتلا فون ہوگا۔ یہ بھی ظاہر کرتا ہے کہ یہ گیلیکسی ایس 25 پلس ماڈل کی لمبائی کے برابر ہو سکتا ہے۔

پچھلی لیکس نے عندیہ دیا تھا کہ سام سنگ گیلیکسی ایس 25 سلم میں کیمرہ ماڈیول کے بغیر 6.4 ملی میٹر پروفائل ہو سکتا ہے، جبکہ اس کی موٹائی 8.3 ملی میٹر ہو سکتی ہے۔ خاص طور پر ٹاپ آف دی لائن گیلیکسی ایس 25 الٹرا کی موٹائی 8.2 ملی میٹر ہونے کا دعویٰ کیا جاتا ہے۔ سلم ویریئنٹ کے بارے میں کہا جاتا ہے کہ اس کا ڈسپلے 6.7 انچ سے 6.8 انچ کے درمیان ہوتا ہے۔

سام سنگ گیلیکسی ایس 25 سلم کے حال ہی میں لیک ہونے والے ڈیزائن رینڈر میں یکساں طور پر پتلی بیزلز کے ساتھ ایک فلیٹ ڈسپلے اور سب سے اوپر ایک مرکز سے منسلک ہول پنچ سلاٹ دکھایا گیا ہے۔ یہ موجودہ گیلیکسی ایس24 سیریز کے ہینڈ سیٹس کی طرح ٹرپل ریئر کیمرہ یونٹ کے ساتھ نمودار ہوا۔

توقع ہے کہ سام سنگ گیلیکسی ایس 25 سلم کے اندر 200 میگا پکسلز پرائمری سینسر، 50 میگا پکسلز کے الٹرا وائیڈ شوٹر اور 50 میگا پکسلز 3.5 آپٹیکل زوم کا ٹیلی فوٹو لینس ہو سکتا ہے۔ توقع ہے کہ فون میں سنیپ ڈریگن 8 ایلیٹ چپ سیٹ، 12 جی بی ریم ہوگی۔