کویت: دہشت گردی کی فنڈنگ کرنے پر 38 افراد کی شہریت منسوخ

کویتی شہریت کے ادارے نے ملک سے غداری اور دہشت گردی کی فنڈنگ کا الزام ثابت ہونے پر 38 افراد کی کویتی شہریت منسوخ کر دی ہے۔

العربیہ نیوز کے مطابق کویتی میڈیا کا کہنا ہے کہ شہریت اور امیگریشن ادارے کی جانب سے جاری بیان میں کہا گیا ہے کہ 38 کویتیوں کے خلاف الزام تھا کہ وہ دہشت گردی کی فنڈنگ اور حزب اللہ و العبدلی نیٹ ورک کی مالی معاونت میں ملوث تھے۔

ملزمان کے خلاف جرائم ثابت ہونے پر شہریت کے ادارے نے ان کی کویتی شہریت منسوخ کر دی ہے۔

38 افراد میں سے 11 پر حزب اللہ کی مالی معاونت کرنے، 5 کویتی الجزیرہ بلیک آرگنائزیشن سے جبکہ 22 افراد پر العبدلی نیٹ ورک سے تعلق رکھنے کے الزامات ثابت ہو گئے تھے جس پر ان کی کویتی شہریت منسوخ کر دی گئی۔