یونیسکو میں سعودی عرب کے مستقل نمائندے نے اسناد پیش کردیں

یونیسکو میں سعودی عرب کے مستقل نمائندےعبداللہ الطخیس نے اتوار کو پیرس کے صدر دفتر میں یونیسکو کی ڈائریکٹر جنرل آدرے ایزولے کواپنی اسناد پیش کیں۔

اقوام متحدہ سے منسلک ایجنسی میں مملکت کے مشن نے اپنے ایکس اکاونٹ پر لکھا’ الطخیس، یونیسکو اور رکن ملکوں کے ساتھ مشترکہ تعاون کو بہتر مشترکہ مستقبل کےلیے مضبوط بنانے کی سعودی عرب کی کوششوں کو جاری رکھے۔ ہوئے ہیں۔‘

ملاقات میں عبداللہ الطخیس نے یونیسکو کے متعدد منصوبوں میں سعودی عرب کے تعاون کا جائزہ لیا۔

انہوں نے اقوام اور ثقافتوں کے درمیان امن اور بقائے باہمی کو فروغ دینے کےلیے یونیسکو کے ساتھ تعاون بڑھانے کی ضرورت پر زور دیا۔

عبداللہ الطخیس نے فلوریڈا یونیورسٹی میں فلسفے کی تعلیم حاصل کی، ثقافتی ورثے، منصوبے بندی اور سیاحت کے شعبوں میں کام کیا ہے۔