یہ منفرد تقریب تمام عرب اقوام کے تعاون سے عرب ورثے کی نمائش، بین الثقافتی مکالمے اور ثقافتی ترقی کے اہداف کے حصول کے لیے عرب ثقافتی ورثے اور تہذیب کو فروغ دے گی۔
سعودی عرب کے قومی کمیشن برائے تعلیم، ثقافت اور سائنسز کے زیراہتمام ثقافتی تبادلے کے وسیع پلیٹ فارم سے یہ تقریب عرب دنیا کی فنی اور ادبی روایات کو اجاگر کرے گی۔
سعودی وزیر ثقافت اور کمیشن کے چیئرمین شہزادہ بدر بن عبداللہ بن فرحان نے اس اقدام کی قیادت کی ہے، جس نے علاقائی اور بین الاقوامی ثقافتی تعاون کو فروغ دینے میں سعودی عرب کو کلیدی حیثیت دی ہے۔
عرب یونیسکو 50 سالہ تعلقات میں پہلی بار ایسی تقریب منعقد ہو رہی ہے۔ فوٹو الشرق الاوسط
اس پروگرام میں عرب ثقافتی مصنوعات، عربی خطاطی کی نمائشیں، یونیسکو کی فہرست میں ثقافتی ورثہ کی نمائش، موسیقی، سعودی روایتی پکوان کے مقابلے، ثقافتی اور روایتی دستکاری اور فیشن نمائشیں منعقد کی جائیں گی۔
تعلیمی سرگرمیوں کے حوالے سے عربی ناول لکھنے، مصنوعی ذہانت، خطاطی، بچوں کا ادب اور شاعری کے ساتھ ساتھ متعدد مقابلے اور علاقائی فنکاروں کے پروگرام اور مختلف موضوعات پر سیمینارز بھی شامل ہوں گے۔
یہ تقریب عرب دنیا کی فنی اور ادبی روایات کو اجاگر کرے گی۔ فوٹو عرب نیوز
یہ تقریب یونیسکو اور دیگر رکن ممالک میں عرب ثقافت کی عالمی حیثیت کو بڑھاتے ہوئے مشترکہ اقدار کے ذریعے عرب اقوام کو متحد کرنے اور عالمی ترقی میں حصہ ڈالتے ہوئے بھرپور عرب ورثے اور نظریات کے فروغ میں اہم ثابت ہوگی۔
سعودی عرب کی مزید خبروں کے لیے واٹس ایپ گروپ جوائن کریں
