منشیات سمگل کرنے پر غیر ملکیوں کو سزائے موت

سعودی وزارت داخلہ نے کہا ہے کہ منشیات سمگل کرنے کے جرم پر دو پاکستانی تارکین پر سزائے موت کا عدالتی فیصلہ نافذ کردیا گیا ہے۔

سعودی پریس ایجنسی کے مطابق وزارت نے کہا ہے کہ ’پاکستانی تارکین امجد گل خان اور تاح ولی خان منشیات سمگل کرتے ہوئے گرفتار کیا گیا تھا‘۔

’مذکورہ شخص کو عدالت میں پیش کیا گیا جہاں الزام ثابت ہونے پر اور زمین میں فساد پھیلانے پر سر قلم کرنے کی سزا سنائی گئی‘۔

’فیصلے پر اپیل کورٹ نے تصدیق کی اور ایوان شاہی نے سزانافذ کرنے کی منظوری دی ہے‘۔

وزارت نے کہا ہے کہ ’آج اتوار کوریاض میں عدالت کا فیصلہ نافذ کردیا گیا ہے‘۔