ٹریفک خلاف ورزیوں پر 5 ہزار دو سوموٹر سائیکلیں ضبط

سعودی محکمہ ٹریفک نے متعدد خلاف ورزیوں پر مختلف شہروں سے 5 ہزار دو سو 46 موٹر سائیکلیں ضبط کی ہیں۔

سبق ویب سائٹ کے مطابق 26 جنوری 2025 سے یکم فروری 2025 تک مختلف شہروں سے موٹر سائیکلیں ضبط ہوئی ہیں۔

محکمہ ٹریفک نے کہا ہے کہ ’سب سے زیادہ موٹر سائیکلیں ریاض میں ضبط ہوئی ہیں جن کی تعداد 2986 ہے‘۔

’دوسرے نمبر پر جدہ ہے جہاں سے 1088 موٹر سائیکلیں ضبط ہوئی ہیں‘۔

محکمہ ٹریفک نے کہا ہے کہ’ مکہ مکرمہ میں 415 ،مدینہ منورہ میں 158، مشرقی ریجن میں 274، عسیر میں 60، قصیم میں 42 ، جازان میں 49 جبکہ حائل میں سب سے کم صرف 7 موٹر سائیکلیں ضبط ہوئی ہیں‘۔

محکمہ ٹریفک نے کہا ہے کہ ’ٹریفک قوانین کی خلاف ورزی پر موٹر سائیکل ضبط ہوگی اور یہ کسی بھی حال میں ناقابل واپسی ہے‘۔

محکمے نے موٹر سائیکل چلانے والوں کو سختی کے ساتھ ہدایت کی ہے کہ وہ ٹریفک قوانین کی پابندی کریں۔