مصر کے کس ایئرپورٹ پر سیاحوں کو مفت انٹری کی سہولت؟

مصر نے الاقصر ایئرپورٹ پر آنے والے سیاحوں کو 25 ڈالر انٹری ویزا فیس سے استثنی دیا ہے۔

سبق ویب نے مصری اخبار ’الوطن‘ کے حوالے سے بتایا مصر کے سیاحتی شہر الاقصر میں کلچرل ٹورازم مارکیٹنگ کمیٹی کے سربراہ محمد عثمان نے کہا ہے کہ  قاہرہ سے تقریبا 700 کلو میٹر جنوب میں واقع الاقصر ایئرپورٹ پر چارٹر پروازوں کے ذریعے آنے والے سیاحوں کو مئی سے ستمبر 2025 کے آخر تک 25 ڈالر انٹری ویزا فیس سے چھوٹ ملے گی۔

محمد عثمان نے بتایا  یہ اقدام وزارت سیاحت اور آثار قدیمہ کی جانب سے قدیم شہروں خاص طور پر الاقصر میں سیاحوں کی آمد بڑھانے  کے لیے کیا گیا ہے۔

الاقصر آنے والے سیاحوں  کو مفت انٹری ویزا دینے سے موسم گرما کے دوران مصر کے دیگر شہروں میں سیاحوں کی تعداد  اضافہ ہوگا۔

انہوں  نے موجودہ حالات اور مستقبل کے حوالے سے بتایا  یورپ، ایشیا اور لاطینی امریکہ کے ممالک سے بھی اس طرح بڑی تعداد میں سیاحوں کی آمد متوقع ہے۔

یاد رہے  مصر نے 2021 میں ایک نیا ویزا ریگولیشن متعارف کرایا تھا جس کے تحت مصر آنے والے سیاحوں پر 25 ڈالر انٹری ویزا فیس  عائد کی گئی تھی۔

اس کے تحت یکم شعبان 1442ھ مطابق 14 مارچ 2021 کو ویزا فیس کا نفاذ کیا گیا تھا اس فیصلے میں سعودی عرب سمیت متعدد عرب ممالک شامل تھے۔

 مصری حکومت نے ایئرپورٹس کے اندر بینک دفاتر میں 24 گھنٹے فیس جمع کرنے کی سروس فراہم کی تھی تاکہ پاسپورٹ سٹمپنگ پوائنٹ  پر پہنچنے سے فیس کی ادائیگی کو یقینی بنایا جاسکے۔