’امل رضاکارانہ پروگرام‘ سعودی طبی ٹیم کا پہلا گروپ دمشق پہنچ گیا

سعودی عرب کے آمل رضاکارانہ پروگرام کے تحت طبی ٹیم کا پہلا گروپ جو 61 رکنی عملے پر مشتمل ہے، دمشق پہنچ گیا۔

طبی ٹیم میں آرتھوپیڈک، سرجری کے ڈاکٹر اور ماہرین شامل ہیں جو پہلے مرحلے میں دس دن تک کام کریں گے۔

اخبار 24 کے مطابق آمل رضاکارانہ پروگرام کے تحت جانے والی طبی ٹیم شام کی وزارت صحت کے تعاون سے مختلف علاقوں میں مختلف نوعیت کے آپریشن میں حصہ لے گی۔

واضح رہے شاہ سلمان امدادی مرکز کے نگران اعلی اور مشیر ایوان شاہی ڈاکٹر عبداللہ الربیعہ نے ریاض میں آمل رضاکارانہ پروگرام کا افتتاح کیا تھا جس کے تحت شام میں 104 سے زائد طبی مہمات انجام دی جائیں گی۔

 امل امدادی پروگرام کے تحت 3 ہزار سے زائد مملکت کے شہری رضاکارانہ طورپر شرکت کریں گے۔ منصوبے میں شامل رضاکار 218500 گھنٹے خدمات انجام دیں گے۔