وزیراعظم شہباز شریف دو روزہ سرکاری دورے پر امارات پہنچ گئے
وزیر اعظم شہباز شریف دبئی میں عالمی حکومتوں کے سربراہی اجلاس (ورلڈ گورنمنٹس سمٹ) میں شرکت کے لیے دو روزہ سرکاری دورے پر متحدہ عرب امارات پہنچ گئے ہیں۔
متحدہ عرب امارات کے نائب صدر و وزیراعظم اور دبئی کے فرمانروا شیخ محمد بن راشد آل مکتوم کی دعوت پر وزیراعظم شہباز شریف ورلڈ گورنمنٹس سمٹ میں شرکت کر رہے ہیں۔
وزیراعظم دبئی میں منعقدہ ورلڈ گورنمنٹس سمٹ میں شرکت اور خطاب کریں گے۔
متحدہ عرب امارات کے نائب صدر و وزیرِ اعظم اور دبئی کے فرمانروا شیخ محمد بن راشد آل مکتوم کی دعوت پر وزیرِ اعظم محمد شہباز شریف ورلڈ گورنمنٹس سمٹ میں شرکت کے لیے متحدہ عرب امارات کا دورہ کر رہے ہیں.
وزیراعظم متحدہ عرب امارات کی قیادت سے ملاقاتوں کے ساتھ ساتھ سربراہی اجلاس میں شرکت کے لیے آئے مختلف ممالک کے سربراہان حکومت سے بھی ملاقات کریں گے۔
وزیراعظم کا وزارت عظمیٰ کا منصب سنبھالنے کے بعد یہ متحدہ عرب امارات کا دوسرا دورہ ہے۔
وزیراعظم دورے کے دوران متحدہ عرب امارات میں مقیم پاکستانیوں اور متحدہ عرب امارات میں کاروباری برادری و سرمایہ کاروں سے بھی ملاقات کریں گے۔
نائب وزیرِ اعظم و وزیرِ خارجہ اسحاق ڈار، وفاقی وزرا خواجہ اصف، احد خان چیمہ، محمد اورنگزیب، سردار اویس خان لغاری، عطاء اللہ تارڑ اور معاون خصوصی طارق فاطمی بھی وزیرِ اعظم کے ہمراہ ہیں۔
