جدہ میں مطلع ابر آلود، مکہ مدینہ میں ہلکی بارش

محکمہ موسمیات نے کہا ہے کہ آج جمعرات جدہ میں مطلع ابر آلود ہے جبکہ مکہ مکرمہ اور مدینہ سمیت متعدد شہروں میں ہلکی بارش ہوگی۔

سبق ویب سائٹ کے مطابق محکمے نے کہا ہے کہ ’مکہ مکرمہ شہر کے علاوہ بحرہ، جموم، رہاط، مدرکہ اور الکامل دوپہر دو بجے تک بارش کا امکان ہے جبکہ طائف، اضم، میسان اور بنی یزید میں شام 4 بجے تک بارش ہوگی‘۔

محکمے نے کہا ہے کہ ’جدہ، حدہ، القنفذہ اور اللیث میں رات 10 بجے تک مطلع ابر آلود اور تیز ہوا چلے گی‘۔

مدینہ منورہ کے متعلق محکمے نے بتایا ہے کہ ’الرایس، ینبع، الحناکیہ، المہد اور وادی الفرع میں بھی مطلع ابر آلود رہے گا اور ہلکی بارش ہوگی جبکہ  بعض علاقوں میں گرج چمک ہوتی رہے گی‘۔

’اسی طرح ریاض ریجن کے متعدد شہروں میں گرد آلود ہوا چلے گی اور بعض علاقوں میں درمیانے درجے کی بارش ہوگی‘۔

’مشرقی ریجن میں بھی ملتی جلتی کیفیت ہوگی جہاں دوپہر دو بجے تک بارش کا امکان ہے‘۔