امدادی سامان کے 25 ٹرک شام پہنچ گئے

سعودی عرب کی طرف سے امدادی سامان کے 25 ٹرک شام کی سرحد عبور کرچکے ہیں۔

سبق ویب سائٹ کے مطابق کنگ سلمان سینٹر برائے انسانی امداد نے فضائی پل کے ساتھ بری پل بھی قائم کر رکھا ہے جس کے ذریعہ شامی شہریوں کی مدد کی ترسیل جاری ہے۔

کنگ سلمان سینٹر کی انتظامیہ نے کہا ہے کہ ’جمعہ کو 60 ٹرک روانہ کئے گئے تھے جن میں مختلف امدادی سامان موجود تھا‘۔

’ٹرکوں میں خشک راشن، ادویہ، گرم کپڑے، خیمے اور سیلپنگ پیگ و دیگر سامان ہے‘۔

واضح رہے کہ سعودی عرب کی طرف سے اب تک امدادی سامان کے 200 ٹرک اور 16 طیارے شام روانہ کئے گئے ہیں۔