رمضان آپریشنل پلان اور تراویح ، تہجد کےلیے آئمہ کا اعلان
زائرین کے لیے 120 سے زیادہ پروگرام متعارف کرائے گئے ہیں۔ ( فوٹو: اخبار24)
ادارہ حرمین شریفین کے دینی امور کے سربراہ شیخ عبدالرحمان السدیس نے ماہ رمضان المبارک میں ترویح اور تہجد کی نمازوں کے لیے آئمہ کے ناموں کی منظوری جاری کی ہے۔
اخبار 24 کے مطابق مسجد نبوی میں ترویح اور تہجد کی نمازوں کی امامت کےلیے شیخ ڈاکٹر عبدالمحسن القاسم، شیخ ڈاکٹر صالح البدیر، شیخ ڈاکٹر عبداللہ البیعجان، شیخ ڈاکٹر احمد بن طالب حمید، شیخ ڈاکٹر خالد المھنا، شیخ ڈاکٹر احمد الحذیفی، شیخ ڈاکٹر محمد البرھجی اور شیخ ڈاکٹرعبداللہ القرافی کے ناموں کا اعلان کیا گیا ہے۔
دریں اثنا مسجد الحرام کے لیے ترویح و آخری عشرے میں تہجد کی نمازوں کے لیے جن اماموں کے ناموں کا اعلان کیا گیا ہے ان میں شیخ عبداللہ الجھنی، شیخ الوالید الشمسان، شیخ عبدالرحمان السدیس، شیخ یاسر الدوسری، شیخ ماہرالمعیقلی، شیخ بدر الترکی، شیخ بندر بلیلہ شامل ہیں۔
قبل ازیں دینی امور کے سربراہ شیخ السدیس نے رمضان اپریشنل پلان کا اعلان کیا تھا جس کا مقصد ماہ مبارک میں حرمین شریفین کے پیغام کو دنیا بھر میں پہنچانا اور زائرین حرمین کی خدمت کو مقدم رکھنا ہے۔
اس حوالے سے دینی امور کے سربراہ نے مختلف اقدامات کی بھی منظوری دی جن پر ماہ مبارک کے دوران عمل کیا جائے گا۔
رمضان کی روحانی اہمیت کے حوالے سے زائرین کے لیے 120 سے زیادہ پروگرام متعارف کرائے گئے ہیں۔
مسجد الحرام میں جمعے کو بارش کے دوران طواف، زائرین کی دعائیںNode ID: 884236
مسجد الحرام میں افطاری دسترخوان کے ضوابط جاریNode ID: 884866
