مسجد الحرام کے اطراف ایمرجنسی میڈیکل سینٹرز، 24 گھنٹے طبی سہولتوں کی فراہمی
جمعرات 27 فروری 2025 0:01
سعودی ہلال الاحمر کے یونٹس بھی مختلف مقامات پرتعینات رہیں گے۔(فوٹو: الحرمین)
حرمین شریفین کی انتظامیہ کی جانب سے رمضان کے دوران زائرین کے لیے میڈیکل ایمرجنیسی سینٹرز میں 24 گھنٹے کی بنیاد پر طبی سہولتوں کی فراہمی کو یقینی بنایا گیا ہے۔
سبق نیوز کے مطابق مکہ مکرمہ میڈیکل سینٹر کے اشتراک سے مسجد الحرام کے اطراف اور مختلف مقامات پر ہنگامی طبی امدادی سینٹرز بنائے گئے ہیں۔
سعودی ہلال الاحمر کے یونٹس بھی رمضان المبارک میں مختلف جگہوں پرتعینات رہیں گے۔
مسجد الحرام کے مختلف اطراف میں 7 امدادی سینٹرز قائم کیے گئے ہیں جبکہ فوری اور ہنگامی امداد کے لیے ریپیڈ سروس یونٹس بھی موجود ہوں گے جوعمرہ زائرین اور مسجد الحرام میں نماز ادا کرنے والوں کو فوری طبی امداد فراہم کریں گے۔
مسجد الحرام کے صحن مطاف کے جنوبی سمت میں باب السلام کے ساتھ ہی طبی سینٹر قائم کیا گیا ہے جہاں سے کسی بھی ہنگامی حالت میں طبی امداد فراہم کی جاسکتی ہے۔
اس کے علاوہ مختلف مقامات پر ہنگامی امدادی سینٹرز قائم کیے گئے ہیں تاکہ زائرین اور ماہ رمضان میں مسجد الحرام آنے والوں کو بہترطبی سہولیات کی فراہمی کو یقینی بنایا جاسکے۔
سعودی سپریم کورٹ نے جمعے کو رمضان کا چاند دیکھنے کی اپیل کر دیNode ID: 886461
