سعودی عرب میں رمضان کے دوران بنکوں کی ٹائمنگ، عیدالفطر کی تعطیلات کب؟

سعودی سینٹرل بنک نے بینکنگ سیکٹر میں رمضان کے دوران اوقاتِ کار اور عید الفطرکی تعطیلات کا اعلان کیا ہے۔

سبق نیوز کے مطابق رمضان میں مملکت کے تمام بینکوں میں کام کا آغاز صبح دس بجے جبکہ اختتام سہ پہر 4 بجے ہوگا۔

سینٹرل بینک کی جانب سے عیدالفطر کی تعطیلات کے حوالے سے کہا گیا کہ ’یکم شوال بروز اتوار 30 مارچ سے عیدالفطر کی تعطیلات کا آغاز ہو گا اور چار شوال بمطابق بدھ 2 اپریل تک جاری رہیں گی۔‘

عیدالاضحی کی تعطیلات کا آغاز جمعرات 9 ذوالحجہ 1446 بمطابق 5 جون 2025 سے ہوگا اور 10 جون 2025 تک جاری رہیں گی۔

سینٹرل بنک کا مزید کہنا تھا’ مکہ مکرمہ اور مدینہ منورہ کے علاوہ سرحدی علاقوں میں عازمین حج اورعمرہ زائرین کی سہولت کے لیے مخصوص برانچیں دوران تعطیلات حسب معمول کام کرتی رہیں گی تاکہ عازمین وعمرہ زائرین کو کسی قسم کی دشواری کا سامنا نہ کرنا پڑے۔‘