سعودی عرب اور امارات میں رمضان کا چاند نظر آگیا، پہلا روزہ سنیچر کو
سعودی عرب میں جمعے کو رمضان کا چاند نظر آگیا ہے، سنیچریکم مارچ کو پہلا روزہ ہوگا۔
الاخباریہ کے مطابق سپریم کورٹ نے مملکت میں رمضان کا چاند نظر آنے کی توثیق کر دی ہے۔
مملکت کی سدیر، تمیر رسد گاہوں اور جامعہ مجمعہ سے رمضان کے چاند دیکھا گیا۔
اس سے قبل سپریم کورٹ کی جانب سے جاری ہدایات میں کہا گیا تھا مملکت کے تمام شہروں میں لوگ رمضان کا چاند دیکھیںٓ بالائی علاقوں میں رہنے والے خاص طور پر اہتمام کریں۔
روایت کے مطابق جو افراد چاند دیکھتے ہیں وہ اپنےعلاقے کے قریب ترین عدالتی مرکز کو مطلع کرتے ہیں اور چاند دیکھنے والوں سے شہادت طلب کی جاتی ہے جس کے بعد سپریم کورٹ کی جانب سے باقاعدہ اعلان کیا جاتا ہے۔
علاوہ ازیں امارات میں بھی رمضان کا چاند نظر آگیا ہے۔ انڈونیشیا اور آسٹریلیا میں سنیچر یکم مارچ کو پہلا روزہ ہوگا۔
برونائی میں رمضان کا چاند نظر نہیں آیا، پہلا روزہ اتوار کو ہوگا۔ ملائشیا میں بھی اتوار دو مارچ کو یکم رمضان کا اعلان کیا گیا ہے۔
