رمضان کے دوران مکہ اور مدینہ میں موسم کیسا رہے گا؟

سعودی عرب میں موسمیات کے قومی مرکز نے رمضان کے دوران موسم کے حوالے سے رپورٹ جاری ہے جو موسمیاتی اعتبار سے موسم بہار کا آغاز ہے۔

سعودی خبررساں ادارے ‘ایس پی اے‘ کے مطابق قومی مرکز کا کہنا ہےمکہ مکرمہ اور مدینہ منورہ میں  درجہ حرارت معمول سے ایک ڈگری زیادہ رہے گا۔ مکہ مکرمہ میں درجہ حرارت 27.8  اور مدینہ منورہ میں 24.4  ڈگری سینٹی گریڈ رہنے کی توقع ہے۔

 مکہ مکرمہ اور مدینہ منورہ میں بارش معمول کے اوسط سے زیادہ ہوں گی۔ مکہ مکرمہ میں متوقع بارش کی اوسط 4.9 ملی میٹر اور مدینہ منورہ میں 5.3 ملی میٹر ہے۔

 رپورٹ میں 1991 سے 2020 کے دوران موسمی حالات کا جائزہ بھی دیا گیا ہے جس میں بتایا گیا کہ مکہ مکرمہ کا موسم  دن کے وقت گرم اور رات کے وقت معتدل جبکہ مدینہ منورہ میں موسم گرم  رہتا ہے۔

 الاخباریہ چینل سے گفتگو کرتے ہوئے محکمہ موسمیات کے  تجزیہ کارعقیل العقیل نے بتایا رمضان کے اختتام سے قبل درجہ حرارت میں بتدریج اضافہ ہوگا۔

علاوہ ازیں موسمیات کے ماہر ڈاکٹر خالد الزعاق کا کہنا ہے عید کے پہلے دن سے موسم گرما کا آغاز ہوگا جس میں دن کے وقت موسم گرم اور رات کے وقت متعدل رہنے کا امکان ہے۔