سعودی عرب میں منشیات سمگل کرنے کی چار کوششیں ناکام، 6 افراد گرفتار

سعودی زکوۃ، ٹیکس اینڈ کسٹم اتھارٹی نے کنگ عبدالعزیز پورٹ اور الودیعہ بارڈر کراسنگ پر منشیات سمگلنگ کی چار کوششیں ناکام بنا دیں۔

ایس پی اے کے مطابق کنگ عبدالعزیز پورٹ پر ایک شمپنٹ سے 2 لاکھ دس ہزار ممنوعہ گولیاں برآمد ہوئیں۔

اسی پورٹ سے کسٹم حکام نے ایک اور شپمنٹ سے دو لاکھ 73 ہزار 585 ممنوعہ گولیاں ضبط کیں۔

 الودیعہ بارڈر کراسنگ پر ایک مسافر کے سامان سے 28 ہزار 578 گولیاں جبکہ ایک اور کیس میں مزید 8 ہزار 578 گولیاں برآمد ہوئیں۔

اتھارٹی نے جنرل ڈائریکٹوریٹ آف نارکوٹکس کنٹرول کے تعاون سے سمگنگ کی ان کارروائیوں میں ملوث چھ افراد کو حراست میں لیا ہے۔

زکوۃ، ٹیکس اینڈ کسٹمز اتھارٹی نے ملکی درآمدات اور برآمدات پر کسٹم کنٹرول کو مضبوط بنانے کے عزم کا اعادہ کیا ہے۔