سعودی پروجیکٹ کے تحت یمن سے ایک ہفتے میں مزید 708 باردودی سرنگیں صاف
فروری میں دو ہزار 817 بارودی سرنگوں کو ہٹایا جا چکا ہے۔ (فوٹو: ایس پی اے)
سعودی عرب کے مسام پروجیکٹ کے تحت فروری کے چوتھے ہفتےکے دوران یمن کے مختلف علاقوں میں مزید 706 بارودی سرنگوں کو صاف کیا گیا ہے۔
ایس پی اے کے مطابق سعودی پروجیکٹ کی خصوصی ٹیموں نے 13 اینٹی پرسنل بارودی سرنگیں، 668 بغیر دھماکے کی ڈیوائسز، 24 اینٹی ٹینک بارودی سرنگوں کو تباہ کیا ہے۔
فروری کے دوران یمن کے مختلف علاقوں سے دو ہزار 817 بارودی سرنگوں کو ہٹایا جا چکا ہے۔
2018 میں مسام پروجیکٹ کے آغاز سے یمن میں حوثیوں کی بچھائی گئی چارلاکھ 83 ہزار343 بارودی سرنگوں کو تباہ کیا جا چکا ہے۔
حوثیوں کی جانب سے یمن بھر میں نصب کی جانے والی بارودی سرنگوں سے بچوں، خواتین اور معمرافراد سمیت معصوم شہریوں کی زندگیوں کو شدید خطرہ لاحق ہے۔
واضح رہے کہ حوثی باغیوں کی جانب سے 1.2 ملین سے زیادہ بارودی سرنگیں بچھائی گئی ہیں جس کے باعث سیکڑوں معصوم شہریوں کے زخمی اور ہلاک ہونے کے واقعات رونما ہوئے ہیں۔
مسام پروجیکٹ کا مقصد یمن کے مختلف شہری اور دیہی علاقوں، سڑکوں اور سکولوں کو بارودی سرنگوں سے صاف کرنا ہے تاکہ معصوم شہریوں کی محفوظ آمد ورفت اور انسانی امداد کی فراہمی کو آسان بنایا جا سکے۔
یہ پروجیکٹ مقامی انجینیئرز کی بھی تربیت اورانہیں جدید آلات فراہم کرتا ہے جبکہ باردودی سرنگوں کی زد میں آنے والے یمنی شہریوں کی بھی مدد کی جاتی ہے۔
مسام پروجیکٹ کے مطابق یمن میں بحران کے آغاز سے اب تک تقریبا 50 لاکھ افراد نقل مکانی پر مجبور ہوئے جن میں بیشتر بارودی سرنگوں کے باعث بے گھر ہوئے۔
مسام پروجیکٹ کےلیے ایوارڈ، یمن میں اہم انسانی کردار کا اعترافNode ID: 882945
