دمام : مسافروں کی سہولت کے لیے شاہ فہد پل پر اضافی امیگریشن کاونٹرز

مشرقی ریجن میں سعودی عرب کو بحرین سے جوڑے والے شاہ فہد پل مسافروں کی سہولت کے لیے امیگریشن کی کارروائی کو تیز کرنے کے لیے اضافی عملے کو تعینات کردیا گیا ہے۔

سعودی خبررساں ایجنسی ’ایس پی اے‘ کے مطابق رمضان المبارک میں بحرین سے آنے والے عمرہ زائرین اور مملکت سے بحرین جانے والے مسافروں کی سہولت کے لیے محکمہ پاسپورٹ اینڈ امیگریشن ’جوازات‘ کی جانب سے اضافی عملے کو تعینات کیا ہے تاکہ مسافروں کو کسی قسم کی تاخیر کا سامنا نہ کرنا پڑے اور امیگریشن کی کارروائی کو جلد از جلد نمٹایا جاسکے۔

واضح رہے مشرقی ریجن کے شہر دمام سے بحرین جانے کے لیے شاہ فہد پل پر گزشتہ برس امیگریشن کاونٹرز کی تعداد میں اضافہ کیا گیا تھا تاکہ مسافروں کو تاخیر کا سامنا نہ کرنا پڑے۔

عید الفطر کی تعطیلات میں بھی دونوں جانب سے بڑی تعداد میں مسافروں کی آمد ورفت جاری رہتی ہے۔

محکمہ جوازات نے  پل کی توسیع کے بعد کاونٹرز کی تعداد میں اضافہ کرتے ہوئے جدید ترین امیگریشن سروسز فراہم کی ہیں جن کا مقصد  مسافروں کو ہر ممکن سہولت فراہم کرنا ہے۔