سونے کی قیمتیں بلند سطح پر، سعودی گولڈ مارکیٹ پر بھی اثرات

انٹرنیشنل گولڈ مارکیٹ میں جمعے 14 مارچ 2025 کو سونے کی قیمتوں میں اضافے کا سلسلہ جاری رہا اور قیمتیں بلند ترین سطح پر پہنچ گئیں۔

خبر رساں ادارے ’روئٹرز‘ کے مطابق فوری لین دین کے حوالے سے سونے کی قیمتوں میں 0.3 فیصد اضافے کے ساتھ ایک اونس سونے کے نرخ 2997.75 ڈالر تک آ گئے۔

 امریکی مارکیٹ میں مستقبل کے سودوں کے حوالے سے ایک اونس سونے کے نرخ 3009.10 ڈالر پہنچ گئے۔

عاجل نیوز کے مطابق انٹرنیشنل مارکیٹ میں سونے کی قیمتوں میں اضافے کے اثرات سعودی گولڈ مارکیٹ پر بھی پڑے۔

جمعے کو 24 قیراط ایک گرام سونے کے نرخ 360.91 ریال، 22 قیراط ایک گرام کے نرخ 330.83 ریال ہوگئے۔

 21 قیراط کے سونے کے نرخ فی گرام نرخ 315.79 ریال ہوچکے ہیں جو اب تک کی بلند ترین سطح ہے۔

18 قیراط ایک گرام کی قیمت 270.68 ریال اور 14 قیراط ایک گرام کے نرخ 210.53 ریال تک پہنچ گئے۔