سعودی عرب میں ایک ہفتے کے دوران زیورات پر 31 فیصد زیادہ اخراجات

سعودی عرب کے شہریوں اور رہائشیوں نے گزشتہ ایک ہفتے کے دوران زیورات کی خریداری پر 31 فیصد زیادہ اخراجات کیے۔ 419.2 ملین ریال خرچ کئے گئے۔

سعودی سینٹرل بینک ’ساما‘ نے 9 سے 15 مارچ 2025 کے دوران اخراجات کے بارے میں رپورٹ جاری کی ہے۔

گزشتہ ایک ہفتے کے دوران شہریوں اور رہائشیوں نے 4 فیصد زیادہ اخراجات کیے جو 13.6 ارب ریال ہیں۔

 کپڑوں اور جوتوں کی خریداری پر 1.5 ارب ریال خرچ کیے گئے۔ جس میں 23 فیصد اضافہ ریکارڈ کیا گیا۔

تعمیراتی سامان پر 307.9 ملین ریال، تعلیم پر 140.6 ملین، گیس سٹیشن پر 865.8 ملین ریال، صحت پر 837.2 ملین ریال، فرنیچر پر 320.6 ملین ریال، ہوٹلنگ پر 352.6 ملین ریال، تفریح اور ثقافت پر 261.9 ملین ریال، ریستوران و کیفے پر 1.6 ارب ریال خرچ کیے گئے۔

کھانے اور مشروبات پر 1.9 ارب ریال، ٹیلی کمیونیکیشن پر 114 ملین ریال، ٹرانسپورٹ پر 889.2 ملین ریال ایک ہفتے کے دوران خرچ ہوئے۔

ساما کا کہنا ہے گزشتہ ایک ہفتے کے دوران ریاض کے شہری اور رہائشی 4 ارب 72 کروڑ 61 لاکھ 82 ہزار ریال کے اخراجات  کے ساتھ سرفہرست رہے۔

جدہ کے شہری اور رہائشی گزشتہ ایک ہفتے کے دوران ایک ارب 98 کروڑ 26 لاکھ 7 ہزار ریال کے خرچ کے ساتھ دوسرے نمبر پر رہے۔

مکہ مکرمہ کے شہریوں اور رہائشیوں نے 81 کروڑ 84 لاکھ 80 ہزار ریال، دمام  68 کروڑ 48 لاکھ 64 ہزار ریال اور مدینہ منورہ میں 55 کروڑ 75 لاکھ 66 ہزار ریال کے اخراجات کیے گئے۔