فرضی حج ادارہ چلانے پر غیر ملکی گرفتار

خمیس مشیط پولیس نے فرضی حج ادارہ چلانے والے غیر ملکی کو گرفتار کیا ہے۔

سبق ویب سائٹ کے مطابق گرفتار شدہ شخص سوشل میڈیا پر حج مہم کی تشہیر کر رہا تھا۔

خمیس مشیط پولیس نے کہا ہے کہ ’گرفتار شدہ شخص بنگلہ دیشی تارک وطن ہے اور لوگوں کو بے وقوف بناکر ان سے رقم بٹور رہا تھا‘۔

خمیس مشیط پولیس نے کہا ہے کہ ’مذکورہ شخص نے سوشل میڈیا پر دعوی کیا ہے کہ مشاعر مقدسہ میں اس کے پاس عازمین کی رہائش کے لیے خیمے ہیں‘۔

پولیس نے شہریوں اور مقیم غیر ملکیوں کو ہدایت کی ہے کہ حج پیکیجز صرف اور صرف وزارت حج و عمرہ کی آفیشل ویب سائٹ پر دستیاب ہیں جہاں سے بکنگ کرائی جاسکتی ہے۔