شرمین کی فلم ایمی ایوارڈ کیلئے نامزد

  نیویارک... آسکر ایوارڈ یافتہ پاکستانی فلمساز شرمین عبید چنائے کی فلم آ گرل ان دی ریور اور معروف پاکستانی ہدایت کار محمد علی نقوی کی دستاویزی فلم امنگ دی بلیورز کوایمی ایوارڈ کیلئے نامزد گی ملی ہے ۔ شرمین عبید کی فلم کو 3 مختلف کیٹیگریز بہترین ڈاکیومینٹری،بہترین مختصر ڈاکیومنٹری اور بہترین موسیقی شامل کیلئے جبکہ علی نقوی کی فلم کو بہترین پولیٹکس اور گورنمنٹ ڈاکیومنٹری کیلئے نامزد کیا گیا ۔ شرمین عبید چنائے نے ٹوئٹر پر کہا کہ ایمی ایوارڈ میں ایک فلم کیلئے 3 نامزدگیاں فخر کی بات ہے۔یہ ایوارڈ ضرور جیتیں گے اور اسے پاکستان لے کر آئیں گے۔ شرمین عبید چنائے اپنی ڈاکومنٹری فلم چلڈرن آف طالبان اور سیونگ فیسز پر بھی ایمی ایوارڈز حاصل کرچکی ہیں۔