ن لیگ کو نیا وزیراعظم اچھا نہیں لگا،شیخ رشید

لاہور... عوامی مسلم لیگ کے سربراہ شیخ رشید نے کہا ہے کہ بعض نا اہل لوگ ایک طرف عدلیہ اور اداروں کو للکار رہے ہیں دوسری جانب نظر ثانی اپیلیں بھی دائر کر رہے ہیں۔پاکستان عوامی تحریک کا دھرناجسٹس باقر نجفی کی رپورٹ کے حصول کیلئے ہے جو پانا مہ کیس سے زیادہ بھی اہم ہے۔بدھ کو لاہور میں طاہر القادری سے ملاقات کے بعد میڈیا سے گفتگو کرتے ہوئے شیخ رشید نے کہا کہ ملاقات میں موجودہ ملکی صورتحال سمیت دیگر امور پر بات چیت ہوئی ہے ۔ انہوں نے دعوی کیا کہ جس دن حدیبیہ پیپر مل کیس کھلا اس دن ان لوگوں کی چیخیں سنائی دیں گی۔ نیب نے حدیبیہ پیپر مل کیس بارے ریفرنس دائر نہ کیا تو سپریم کورٹ جائیں گے ۔انہوںنے کہا کہ مسلم لیگ (ن ) کو اپنا وزیراعظم اچھا نہیں لگ رہا۔ کوشش کی جا رہی ہے کہ نئے وزیراعظم کو پذیرائی نہ ملے۔