افغان امن کیلئے کردار ادا کرتے رہیں گے،خواجہ آصف

اسلام آباد... وزیرخارجہ خواجہ آصف نے کہا ہے کہ پاکستان افغانستان میں امن و استحکام کا خواہاں ہے۔ افغان امن کے قیام کے لئے اہم کردار ادا کیا ہے ۔ آئندہ بھی کرتے رہیں گے ۔ اس حوالے سے ہماری پوزیشن بہت واضح ہے۔افغان صدر اشرف غنی کی طرف سے پاکستان کو جامع مذاکرات کی پیش کش پر رد عمل میںوزیرخارجہ نے کہاکہ افغانستان میں امن کے لئے دو طرفہ اورسہ فریقی بات چیت کا حصہ ہیں ۔ ان رابطوں کے دوران فریقین نے سیاسی، فوجی اور انٹیلی جنس تعاون کی ضرورت کو تسلیم کیا ہے۔